Эмийн бүртгэл

Sample image

Глобал


Нэгдсэн эмнэлэг PDF Хэвлэх И-мэйл
Бичсэн Administrator   
2013 оны 1-р сарын 19, Бямба гариг, 08:24

 

 

 

 

 

 

 

 

 

 

 

 

 

Х.Жаргал 
Нэгдсэн эмнэлгийн дарга
Утас: 70593991
И-мэйл: Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй.

Эрүүлийг хамгаалахын домогт сайд, гавъяат ажилтан ГҮРЖАВЫН ТУВААНЫ нэрэмжит  Аймгийн Нэгдсэн эмнэлэг нь 1942 онд анх байгуулагдсан.
Тус эмнэлэг нь 12 тасагтай. Удирдлага санхүү, захиргаа аж ахуй, амбулатори, дотор, хүүхэд, халдварт сүрьеэ, төрөх эмэгтэйчүүд, мэс засал, яаралтай тусламж сэхээн эрчимт эмчилгээ, мэдрэл, параклиник, яаралтай түргэн тусламж. Нийт 217 ажиллагсадтай. Их эмч 56, сувилагч 64, эх баригч бага эмч 5,бага эмч 7, эм зүйч 2, эм найруулагч 2, рентген техникч 1, лаборант 8, хоол зүйч 1, туслах болон үйлчилгээний ажилчид 63,  бусад ажиллагсад 14. Эмч нарын 83.9%,  сувилагч нарын 48.4,% нь нарийн мэргэжил эзэмшсэн. Эмч эмнэлгийн мэргэжилтнүүдийн 26.7% нь мэргэжлээрээ зэрэг хамгаалсан.


АЛСЫН ХАРАА
Ёс зүйг эрхэмлэсэн чадварлаг боловсон хүчин бүхий, чанар стандартын шаардлага хангасан нарийн мэргэжлийн тусламж үйлчилгээг үзүүлдэг оношлогоо эмчилгээний төв болон хөгжих

ЭРХЭМ ЗОРИЛГО
Ээлтэй орчин
Шуурхай үйлчилгээ 
Эрт оношлогоо                                                          
Эрчимтэй эмчилгээ                                                  
Идэвхитэй хяналт 

ЗОРИЛТ
Мэргэжлийн, ур чадвартай, ёс зүйн төлөвшилтэй, ажиллах чин эрмэлзэлтэй эмнэлгийн мэргэжилтнүүдийг хэрэгцээтэй газар нь хүрэлцээтэй тоогоор ажиллуулж эмнэлгийн тусламж үйлчилгээг чанартай үзүүлэхэд гол зорилт оршино.


ҮЙЛ АЖИЛЛАГААНЫ ЧИГЛЭЛ
Аймгийн хүн амд үндсэн нарийн мэргэжлийн тусламж үйлчилгээг үзүүлэх, сумын эмнэлгийг мэргэжлийн удирдлага арга зүй зөвлөмжөөр хангах, эмнэлгийн мэргэжилтний мэргэжил дээшлүүлэх сургалт явуулах, хөдөөгийн хүн амд  хоёрдогч шатлалын лавлагаа тусламжийг үзүүлэх, нийгмийн эрүүл мэндийн тусламж үйлчилгээг үзүүлэх, анагааах ухааны их дээд   сургуулиудын оюутнуудыг дадлагажуулах


ЭРДЭМ ШИНЖИЛГЭЭ, СУДАЛГААНЫ ЧАДАВХИ
Бидний дунд анагаах ухааны магистр 2, клиникийн профессор 7, тэргүүлэх зэрэгтэй 13, ахлах зэрэгтэй 24 эмч эмнэлгийн мэргэжилтэн тус тус ажиллаж байна.


БИДНИЙ БАХАРХАЛ
Одоо манай хамт олны дунд МУ-ын хүний гавьяат эмч 1, Алтан гадас одонт 6, Хөдөлмөрийн Хүндэт медиальт 3, Эрүүлийг хамгаалахын тэргүүний ажилтан цол тэмдтэн 76, ЭМЯ-ны Жуух бичигтэн 99, МЗХ-ны шагнал Тэргүүний залуу алтан медиальт 3, Хөдөлмөрийн алдар медиальт 2, Халамжлан хүмүүжүүлэгч цол тэмдэгтэн 3, Дундговь аймгийн Манлай-Тэргүүний хүн  3, Аймгийн шилдэг залуу мэргэжилтэн  2, МУЗН- ийн  шагнал Хүндэт Донор 5, Алтан гартан сувилагч 20,  Энэрхүйн үйлстэн 8 тус тус байдаг.
Амбулатороор нарийн мэргэжлийн 22 кабинет тусламж үйлчилгээг үзүүлж байна. Жилдээ дунджаар 5480 орчим хүн хэвтүүлэн эмчилж 42 гаруй мянган  ор  хоног ашиглалаг. Алсын дуудлага  80 гаруй, төвийн дуудлага 6000 орчмыг хүлээн авч үйлчилдэг ба 580 орчим мэс засал хийж, 700 орчим эх төрдгийн 80 орчим хувь нь хөдөө сумнаас ирдэг. Эхчүүдийн амрах байраар хөдөө сумын болон аймгийн төвийн өрх толгойлсон эмзэг бүлгийн жирэмсэн эхчүүдийг  хүлээн авч  үйлчилдэг.
Амбулаториор жилдээ 70300 орчим  хүнд үзлэг хийж 21681 орчим клиник,  28225 гаруй биохими, 8982 орчим сериологи, 12091 гаруй мянган хүнд рентген  шинжилгээ, 174 орчим хүнд дурангийн шинжилгээ, 1102 орчим хүнд ЭХО харалт хийдэг. Жилдээ  50,260  орчим литр цус цусан бүтээгдэхүүн үйлдвэрлэж эмчилгээнд   хэрэглэж байна

Сүүлийн үеийн багаж тоног төхөөрөмжүүдийг   оношлогоо, эмчилгээнд ашигласнаар эмнэлгийн тусламж үйлчилгээнд тодорхой ахиц гарч байна. Тухайлбал 3-р шатлалын эмнэлгүүдэд хийгддэг зарим төрлийн мэс заслуудыг амжилттай хийж байна. Үүнд:

  • Цөсний хүүдий авах,/чулуутай/
  • Элэг тайрах
  • Бөөр, дэлүүний гэмтлийн үеийн мэс заслууд
  • Ходоод бүдүүн, нарийн гэдэсний мэс заслууд
  • Гэмтсэн мөч тайрах / эргэшгүйгэр /
  • Тархины гэмтлийн  мэс засал
  • Хугарлуудыг мэс заслаар эмчлэх
  • Төрөх замын нөхөн сэргээх мэс засал
  • Төрсний дараа үрийн хоолой боох
  • Эрүү хадах
  • Шүдний сурвалжийн орой тайрах
  • Нүдний даралт бууруулах мэс засал
  • Болор солих мэс засал
  • Иридоэктомия зэрэг   хагалгаануудыг амжилттай хийж байна

2011 онд чулуутай цөсний хүүдий дурангаар авах мэс заслыг 6 хүнд амжилттай хийгээд байна.
Манай хамт олны дотроос ажлын гараагаа эхэлсэн Т.Шагдарсүрэн, Б.Гоош /  төрийн шагналт нэрт мэс засалчакадемич/. Н.Даваацэрэн,.Дарь,Б.Гэпилмаа,Цэрмаа, Н.Лувсанбалдан.П.Банзрагч нар хожмоо хүний гавьяат эмч, Д.Нямаа төрийн шагналт зохиолч,соёлын гавьяат зүтгэлтэн,Д. Жодов, С Дуламсүрэн нар дэд доктор болсон.
Ерөнхий эмчээр ажиллаж байсан Г.Цэрэндавга МУ-ын гавъяат багш, мэдээгүйжүүлэгч  эмч Ш.Готов Монгол улсын Хүний гавъяат эмч цолоор шагнагдсан.
Тарийн одон медаль Хөдөлмөрийн гавъяаны улаан тугийн одонгоор 4, Алтан гадас одонгоор 16, Хөдөлмөрийн хүндэт медалиар 20, Эмнэлгийн сайчуул болон Эрүүлийг хамгаалахын Тэргүүний ажилтан цол тэмдгээр 112, ЭМЯ-ны Хүндэт жуух бичгээр 205 эмч ажиллагсад шагнагдсан.
ЭМЯ-ны аварга мэргэжилтэнээр Ц.Батбэх, Ши.Нансал, Б.Цогтбаатар, М.Баянсан нар шалгарч ЭМЯ-ны хүндэт дэвтэрт Б.Адьяа, С.Дэчинравдан, Ө.Бархаа, Р.Дамба нар бичигдэж, С.Балжинням, С.Дуламсүрэн, Н.Цэрэнсодном,Ч.Далай, Л.Энхтуяа, М.Баянсан нарын эмч ажилчид, Ц.Нармандах эрхлэгчтэй мэс заслын тасгийн хамт олон хүндэт самбарт зураг нь тавигдаж алдаршиж байсан.
Аймгийн Хүндэт дэвтэрт 4,  Аймгийн Тэргүүний хүнээр 7  эмч, эмнэлгийн тусгай мэргэжилтэн, Тэргүүний хамт олноор төрөх, дотрын тасгийн хамт олон шалгарч байсан.
2007 онд Хөдөлмөрөөрөө манлайлагч итгэл хүлээсэн хамт олон болсон. 2010 оноос Азийн хөгжлийн банкны ЭМСХ-3 хөтөлбөр хэрэгжиж эхэлснээр эмнэлгийн материаллаг бааз бэхжиж, тоног төхөөрөмжийн хангалт сайжирч хүний нөөцийн чадавхи,  үйлчлүүлэгчдийн сэтгэл ханамж дээшилж байна.
Үүний зэрэгцээ манай эмнэлэг  Наранцацралт сан, АНУ-н Свонсоны гэр бүлийн сан, Прожект гүүр хүмүүнлэгийн байгууллага, Арслан клүб,  ДЗОУ-н орон нутаг дахь байгууллагатай хамтарч ажиллаж байна.

Дундговь АНЭ  Утас:70593991

Факс: 0159223991

2013 оны төсвийн гүйцэтгэлийн тайлан

2013 оны  аудитын тайлан, дүгнэлт

2014 оны 3 сарын төлөвлөгөө, гүйцэтгэл

Сүүлд шинэчлэгдсэн: 2014 оны 7-р сарын 16, Лхагва гариг, 03:37