Эмийн бүртгэл

Sample image

Глобал

Хэдэн зочин онлайнд байна вэ

Манайд 4 зочид онлайн

Тоолуур

voucher codes


Эрүүл мэндийн газраас такси үйлчилгээний жолооч нарт эрүүл мэндийн газраас “осол гэмтлээс сэргийлье” сэдэвт сургалтыг хийлээ
2018 оны 2-р сарын 09, Баасан гариг, 16:17

Осол гэмтлээс сэргийлэх сарын аяны хүрээнд Эрүүл мэндийн газар, Замын цагдаагийн хэлтэстэй хамтран “зам тээврийн осол, гэмтлээс хамтдаа сэргийлье1 сарын аяны хүрээнд замын цагдаагийн хэлтэстэй хамтран аймгийн төвийн такси үйлчилгээний жолооч нарт “Осол гэмтлээс сэргийльесэдвээр сургалт хийж, гарын авлага, зөвлөмж сурталчилан тараалаа.

Дэлгэрэнгүй...
 
УАУТөвийн үйл ажиллагаатай танилцлаа.
2018 оны 2-р сарын 09, Баасан гариг, 16:12

ЭМГ-ийн Эмнэлгийн тусламжийн хэлтсийн дарга Л.Ганбат, Уламжлалт анагаах ухааны асуудал хариуцсан мэргэжилтэн Долгорсүрэн нар Уламжлалт Анагаах Ухааны Төвийн үйл ажиллагаатай танилцлаа. Тус төвийн дарга Чирчинсүрэн ажлаа танилцуулж , цаашид хэрэгжүүлж ажлын зорилт, тулгамдсан асуудлын талаар танилцуулсан. ЭМГ-ийн зүгээс Уламжлалтын чиглэлээр эмчилгээ үйлчилгээний нэр төрлийг нэмэгдүүлэх иргэдэд чанартай, хүртээмжтэй тусламж үйлчилгээг үзүүлж ажиллах талаар эмч мэргэжилтнүүдтэй ярилцаж санал бодлоо солилцлоо.

Дэлгэрэнгүй...
 
“ЭРҮҮЛ МЭНДИЙГ ДЭМЖИХ ЖИЛ”-ИЙН НЭЭЛТИЙГ ХИЙЛЭЭ
2018 оны 2-р сарын 08, Пүрэв гариг, 11:29

Аймгийн Засаг даргын 2018 оны 1 дүгээр сарын 02-ны өдрийн А/01 дугаар захирамжаар 2018 оныг “Эрүүл мэндийг дэмжих жил” болгон зарласан ба дэмжих жилийн нээлтийг 2018 оны 2 дугаар сарын 07-ны өдөр хийлээ.

Энэ хүрээнд жилийн ажлыг орон нутгийн хэмжээнд зохион байгуулах ажлыг хэсгийг байгуулж, “Иргэдэд эрүүл зан үйл, амьдралын зөв дадал хэвшлийг төлөвшүүлэхэд дэмжлэг үзүүлж, эрүүл аюулгүй орчинд амьдрах нөхцөлийг бүрдүүлэхэд салбар дундын оролцоог нэмэгдүүлэн, хүн амын амьдралын чанарыг дээшлүүлэх зорилгыг өмнөө тавьж, бүх нийтийн эрүүл мэндийг дэмжих санал санаачлагыг өрнүүлэх, эрүүл мэндийн салбар, иргэдийн эрүүл аюулгүй амьдрах ээлтэй орчны дэд бүтцийг сайжруулах, урьдчилан сэргийлэх нийгмийн эрүүл мэндийн тусламж болон эмнэлгийн тусламж үйлчилгээний чанар хүртээмжийг сайжруулах үндсэн 4 зорилтыг дэвшүүлэнажлын хэсгээс төрийн болон төрийн бус байгууллага, иргэдээс дэмжих жилд хэрэгжүүлэх үйл ажиллагаанд нээлттэй саналыг авч, нэгдсэн төлөвлөгөөг гаргасан.

Дэлгэрэнгүй...
 
ЭРҮҮЛ МЭНДИЙН САЛБАРААС “ГАЛ ТАХИА ЖИЛИЙН АЙМГИЙН 9 АЛДАРТАНД” 3 ЭМЧ НЭР ДЭВШИН ОРОЛЦОЖ БАЙНА
2018 оны 1-р сарын 29, Даваа гариг, 16:47

“Дундговийн амьдрал” орон нутгийн сонингоос 3 дахь жилдээ уламжлал болгон зохион байгуулж байгаа “Гал тахиа жилийн аймгийн 9 алдартан”-д орон нутгийн Эрүүл мэндийн салбартаа үр бүтээлтэй ажиллаж, шинэ арга, технологийг нэвтрүүлэн амжилттай ажиллаж байгаа дараах 3 эмчийг нэр дэвшүүллээ.


 

КЛИНИКИЙН ПРОФЕССОР, АНАГААХ УХААНЫ МАГИСТР, НЭГДСЭН ЭМНЭЛГИЙН ДҮРС ОНОШИЛГООНЫ ЭМЧ Г.НАРАНГЭРЭЛ.

1973 онд АУДСургуулийг гэрлийн техникчээр, 1988 онд Улаанбаатар хотын АУДэСургуулийг хүний их эмч мэргэжлээр төгсөж, 1973-1974 онд Эрдэнэдалай сумын сум дундын эмнэлэгт, 1977-1982 онд аймгийн Нэгдсэн эмнэлэгт Рентген техникчээр, 1988 оноос Дүрс оношлогооны эмчээр, 1998-2015 он хүртэл Эмчилгээ эрхэлсэн орлогч даргаар тус тус ажиллаж улсад 42 дахь жилдээ ажиллаж байна.

2017 онд 11213 хүнд рентген оношилгоог хийж, уушгины хорт хавдар 8, сүрьеэ өвчний 23 тохиолдлыг тус тус шинээр илрүүлж, 1085 хүнд яаралтай шинжилгээ оношлогоог хийж, тухайн цаг хугацаанд нь мэс засал, яаралтай эмчилгээнд оруулсан.Олон жилийн ажлын дадлага туршлага, мэдлэг чадвараараа залуу эмч нарт байнгын зөвлөн туслаж, тэднийг ажлын байранд сурган дадлагажуулж, мэргэжил арга зүйгээр ханган ажиллаж байгаа мэргэшсэн, туршлагатай ахмад эмч юм.

 


 

АЙМГИЙН НЭГДСЭН ЭМНЭЛГИЙН МЭС ЗАСЛЫН ТАСГИЙН ЭРХЛЭГЧ Э.ЭНХЗОРИГТ.

2012 онд ЭМШУИС-ийг их эмч мэргэжилээр төгссөн.2014 онд Шастины нэрэмжит Улсын клиникийн гуравдугаар төв эмнэлэгт Ерөнхий мэс засалчаар, 2015 онд Улсын клиникийн нэгдүгээр төв эмнэлэгт Хэвлийн хөндийн дурангийн мэс засалчаар тус тус суралцан төгсөж, 2016 онд Франц улсын Валфранш хотын L-hospital эмнэлэгт дурангийн мэс заслаар мэргэжил дээшлүүлсэн.

Аймагтаа анх удаа хэвлийн хөндийн дурангийн мэс заслыг нэвтрүүлж, 2017 онд 270 удаа мэс засал хийсний 25 хувь нь дурангий мэс засал эзэлж байгаа ба элэгний урагдлын хэвлийн хөндийн мэс заслыг дурангаар амжилттай хийсэн. Ажил мэргэжил дээрээ өсч яваа залуу эмч юм.

 

 

 


 

ЭРҮҮЛИЙГ ХАМГААЛАХЫН ТЭРГҮҮНИЙ АЖИЛТАН, НЭГДСЭН ЭМНЭЛГИЙН ТӨРӨХ ТАСГИЙН НЯРАЙН ЭМЧ Б.ТУЯАЦЭЦЭГ.

2003 онд Дорноговь аймаг дах Анагаах ухааны салбар сургуулийг хүний их эмч мэргэжилээр төгссөн. 2005-2007 онд Эх хүүхдийн эрүүл мэндийн үндэсний төвд хүүхдийн их эмч мэргэжлээр, 2012 онд Эх хүүхдийн эрүүл мэндийн үндэсний төвд нярайн эмчээр мэргэжил эзэмшсэн. 2005 оноос хойш одоог хүртэл аймгийн Нэгдсэн эмнэлэгт ажиллаж улсад 15 дахь жилдээ ажиллаж байна.

“Нярайн эрт үеийн нэн шаардлагатай тусламжийг хэрэгжүүлэх” стратегийг орон нутагт хэрэгжүүлж, эмчилгээ үйлчилгээнд шинэ аргыг нэвтрүүлэн, 2017 онд нярайн эндэгдлийн түвшинг урьд оноос 40%-иар бууруулсан. HIPSCREEN.SMOPP-төслийг орон нутагтаа хэрэгжүүлж нярайн түнхний үений скрининг шинжилгээг нэвтрүүлж дэлхийн жишигт хүрсэн аргаар оношлогоо эмчилгээ хийсэн амжилтаараа шилдэг эмчээр шалгарсан. Орон нутгийн хүүхдийн тусламж үйлчилгээ тэр дундаа нялхасын тусламжийн чанарыг сайжруулахад амжилттай ажиллаж байна.

Та бүхнийг манай Эрүүл мэндийн салбараас нэр дэвшиж байгаа дээрх эмч нарыг дэмжиж саналаа өгөхийг хүсье. /Санал авах хугацаа-2018.02.09-ний өдрийн 23:00 цагт дуусна./

Дундговийн амьдрал” сонины “Оны 9 алдартан” гэсэн цонх руу орж, өөрийн аймгийн лого-н дээр дарахад нэр дэвшигчийн танилцуулга бүхий цонх гарч ирнэ. Тус цонх руу ороод дэмжиж буй нэр дэвшигчийн зурагны доор байх САНАЛ ӨГӨХ гэсэн хэсгийг дараад өөрийн FACEBOOK хаягаа оруулан зааврын дагуу саналаа өгөх боломжтой. Мөн та 1900-1515 тусгай дугаарт залгаж утсаар санал өгөх болон 155-488 тусгай дугаарт мессежээр санал өгөх боломжтой болно.

ЭНД дарж “Оны 9 алдартан”-д саналаа өгнө үү.

 

 

 

 
Шүлхий зөвлөмж
2018 оны 1-р сарын 10, Лхагва гариг, 17:17

 
« ЭхлэхӨмнөх12345678910ДараахиТөгсгөл »

Хуудас 56-с 1

ХЭРЭГТЭЙ ХОЛБООСУУД

Баннер
Баннер
Баннер
Баннер

Эрүүл мэнд

Теле хичээлийн материал

ЭМСХХ